ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

លោក ហ៊ុន ម៉ាណែត៖ អ្នកណាយកឈ្មោះ និងរូបខ្ញុំទៅធ្វើរឿងខុសច្បាប់ សមត្ថកិច្ចចាប់ទៅមិនបាច់សួរខ្ញុំទេ

  • ចុះផ្សាយថ្ងៃទី២៧ ខែមីនា ឆ្នាំ២០២៣ ម៉ោង ១៥:១៤ នាទី ដោយ Sao SokEng
  • 1761
  Aa |   aA

ភ្នំពេញ៖ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក នាយឧត្តមសេនីយ៍ ហ៊ុន ម៉ាណែត បានប្រាប់ទៅសមត្ថកិច្ចថា ប្រសិនឃើញនរណាម្នាក់យកឈ្មោះ និងរូបលោកទៅធ្វើរឿងខុសច្បាប់ សូមចាប់ខ្លួនបុគ្គលនោះទៅដោយមិនចាំបាច់សួរនាំលោកជាមុនឡើយ។

លោក ហ៊ុន ម៉ាណែត បានលើកឡើងថា មានពលរដ្ឋជាច្រើនពាន់នាក់បានថតរូប និង Selfie ជាមួយលោក ហើយក្នុងនោះក៏មានបុគ្គលម្នាក់បានយករូបថតដែលថតជាមួយលោក យកទៅគាបសង្កត់ពលរដ្ឋនៅក្នុងខេត្តព្រះសីហនុដោយអះអាងថាជាជំនួយការលោក ហ៊ុន ម៉ាណែត។

លោកសង្កត់ធ្ងន់ដូច្នេះថា៖ «ចាប់ទៅ មិនបាច់សួរទេ ជំនួយការខ្ញុំ ដើរជាមួយឆ្នាំរាល់ថ្ងៃក៏ដោយ ឱ្យតែធ្វើខុសចាប់ទៅ»។ លោកបន្ថែមថា៖ «ប្រសិនជាប្រាប់ខ្ញុំ ខ្ញុំនឹងប្តឹងជាបន្តទៀត (ប្តឹងយកឈ្មោះខ្ញុំទៅធ្វើរឿងខុសច្បាប់) អ៊ីចឹងថ្ងៃក្រោយបើអាជ្ញាធរដកពាក្យបណ្តឹង ក៏នៅជាប់ពាក្យបណ្តឹងរបស់ខ្ញុំដែរ»។

លោកបានថ្លែងបែបនេះ នៅក្នុងពិធីបើកការដ្ឋានសាងសង់ផ្លូវបេតុងចំនួន ២ខ្សែ ប្រវែងប្រមាណ ៣២គ.ម និងពិធីកាត់ឫសសីមា និងសម្ពោធឆ្លងសមិទ្ធផលនានា នៅវត្តឥន្ទរិទ្ធី (ហៅវត្តបារាយណ៍) ស្ថិតក្នុងភូមិបារាយណ៍ ឃុំឈូក ស្រុកក្រូចឆ្មារ ខេត្តត្បូងឃ្មុំ កាលពីថ្ងៃទី២៦ ខែមីនា ឆ្នាំ២០២៣។

លោក ហ៊ុន ម៉ាណែត ដែលជាបេក្ខភាពនាយករដ្ឋមន្ត្រីកម្ពុជា តែងតែទទួលបានការស្រឡាញ់ និងគោរពពីប្រជាពលរដ្ឋជាច្រើនក្នុងអំឡុងលោកចូលរួមសម្ពោធសមិទ្ធផលនានា និងកម្មវិធីផ្សេងៗកន្លងមក។ មានពលរដ្ឋក្មេងចាស់ប្រុសស្រីជាច្រើនបានថតរូបជាមួយលោកទុកជាអនុស្សាវរីយ៍ ដោយអ្នកខ្លះថែមទាំងបានចាប់ថើបលោកក្នុងន័យគោរពស្រឡាញ់លោកផងដែរ៕


ព័ត៌មានជាច្រើនទៀតសម្រាប់អ្នក